Էրդողանն ու Մերկելը քննարկել են իրավիճակը տարածաշրջանում

Թուրքիայի նախագահ Ռեջեփ Թայիփ Էրդողանը երեքշաբթի բանակցություններ է վարել Գերմանիայի կանցլեր Անգելա Մերկելի հետ. հաղորդում է Anadolu գործակալությունը:

Թուրքիայի նախագահի աշխատակազմի հաղորդակցության գրասենյակը հայտնում է, որ Թուրքիայի և Գերմանիայի ղեկավարների բանակցությունները տեղի են ունեցել տեսակապով: Մտքերի փոխանակություն է տեղի ունեցել այն քայլերի վերաբերյալ, որոնք ուղղված են Թուրքիայի կապերի հետագա ընդլայնմանը Գերմանիայի և ԵՄ-ի հետ, շոշափվել են տարածաշրջանային գործընթացները:

Թուրքիայի ղեկավարը բարձր է գնահատել Անկարայի և Բրյուսելի միջև երկխոսությունը իր երկրի և Եվրամիության հարաբերությունների զարգացման գործում, ինչը Գերմանիայի կանցլերի առանձնահատուկ վաստակն է:

Թուրքիայի նախագահը նշել է նաև, որ Էգեյան ծովում և Արևելյան Միջերկրական ծովում իրավիճակի շուրջ կառուցողական բանակցություններ վարելու համար անհրաժեշտ է  մղել Հունաստանին՝ շարունակել երկխոսությունը: