Սպիտակ տունն անդրադարձել է Պուտինի և Բայդենի հնարավոր հանդիպմանը

ԱՄՆ նախագահ Ջո Բայդենը կհանդիպի Ռուսաստանի առաջնորդ Վլադիմիր Պուտինի հետ, երբ ճիշտ պահը լինի: Այս մասին լրագրողներին հայտնել է Սպիտակ տան մամուլի քարտուղարի տեղակալ Կարին Ժան-Պիեռը:

«Մարդիկ հարցնում են, թե երբ Բայդենը կհանդիպի նախագահ Պուտինի հետ: Նախագահ Բայդենը կհանդիպի նախագահ Պուտինի հետ, երբ ճիշտ պահը լինի: Նախագահ Բայդենը և նախագահ Պուտինը տարբեր տեսակետ ունեն իրենց երկրների վերաբերյալ: Բայց նրանք համաձայն են, որ մենք պետք է շարունակենք փնտրել միասին աշխատելու մեթոդները, դա բխում է մեր երկուստեք շահերից»,- ասել է Ժան-Պիեռը` որպես օրինակ բերելով ռազմավարական-հարձակողական զենքի կրճատման և սահմանափակման միջոցառումների ռուս-ամերիկյան պայմանագիրը, որը երկարաձգվել է փետրվարին։