Բողոքի ակցիայի մասնակիցների հանդիպումը Տավուշի մարզպետի հետ

Yerkir.am-ը հայտնել էր, որ իջևանցիները փակել են Երևան-Նոյեմբերյան միջպետական ճանապարհը և պահանջում են Տավուշի մարզպետ Հայկ Չոբանյանի հետ հանդիպում, որպեսզի հասկանան՝ ի՞նչ է տեղի ունենում Տավուշի սահմաններին։

«Մեր պահանջն է, որ մարզպետը ընդամենը պարզաբանում տա, որ Տավուշից հող չեն հանձնելու»,- ասել էին բողոքի ակցիայի մասնակիցները։

Իջևանից՝ ԱԺ ՀՅԴ խմբակցության նախկին պատգամավոր Սուրեն Մանուկյանը նշել էր, որ պարզաբանում են ուզում Տավուշի մարզպետից՝ հասկանալու համար Տավուշի հողերի հետագա ճակատագիրը։

Մարտի 9-ի երեկոյան կայացել է բողոքի ակցիայի մասնակիցների հանդիպումը Տավուշի մարզպետ Հայկ Չոբանյանի հետ, որի ընթացքում բարձրացվել և քննարկվել են մի շարք մտահոգիչ հարցեր:

Yerkir.am-ը ստորև ներկայացնում է նշյալ հանդիպման տեսագրությունը։