Իմ և Սիվիլնեթի նոր տնօրինության պատկերացումները լրագրության և Հայաստանի հարևանների հետ հարաբերությունների հարցերում անհամատեղելի են. Թաթուլ Հակոբյանը հեռանում է «ՍիվիլՆեթ»-ից

Լրագրող, քաղաքական մեկնաբան Թաթուլ Հակոբյանը հայտնում է «ՍիվիլՆեթ»-ից դուրս գալու մասին։

«Ավարտվեց ՍիվիլՆեթի և Սիվիլիթաս հիմնադրամի հետ իմ 12-ամյա ճամփորդությունը։ Իմ և Սիվիլնեթի նոր տնօրինության պատկերացումները լրագրության մասին (հատկապես 44-օրյա աղետալի պատերազմի օրերից) և Հայաստանի հարևանների հետ հարաբերությունների հարցերում (հատկապես այս նվաստացուցիչ պարտությունից հետո) անհամատեղելի են։

ՍիվիլՆեթում/ Սիվիլիթաս հիմնադրամում ունեցա արդյունավետ աշխատանքի 12 տարիներ։ Այս հրաշալի կազմակերպությունից հեռանում եմ բավարարվածության և հպարտության զգացումներով։

Իմ բոլոր գործընկերներին, որոնց հետ պատիվ և հնարավորություն ունեցա աշխատել, մաղթում եմ պրոֆեսիոնալ աշխատանքային գործունեություն ապագայում ևս ու նաև՝ ընտանեկան երջանկություն», - գրել է Թաթուլ Հակոբյանը։