Վրաստանի արտգործնախարարը կայցելի Թուրքիա

Վրաստանի արտաքին գործերի նախարար Դավիթ Զալքալիանին առաջիկայում կայցելի Թուրքիա: Այս մասին վրացական Առաջին ալիքին տված հարցազրույցում հայտնել է Թուրքիայում Վրաստանի դեսպան Գեորգի Ջանջգավան. հաղորդում է apsny.ge կայքը։

Նրա խոսքով՝ արտգործնախարարը կմասնակցի Թուրքիայի ու Վրաստանի միջև բարձր մակարդակի ռազմավարական համագործակցության խորհրդի հերթական հանդիպմանը, որը տեղի կունենա Անկարայում:

Վրացի դեսպանը նշել է, որ վերջին 30 տարիների ընթացքում երկու երկրների հարաբերությունները շատ ինտենսիվ են եղել։ «Մեր հարաբերությունները զարգանում են, և այժմ մենք հասնում ենք բոլորովին նոր մակարդակի: Թուրքիան մեր ռազմավարական գործընկերն է, բարեկամն ու հարևանը»,- ասել է նա: