Համացանցում հայտնվել է քարտեզ Հունաստանի ծովային սահմանների ընդլայնման վերաբերյալ

Համացանցում հայտնվել է քարտեզ, որը ցույց է տալիս, թե ինչպիսի տեսք կունենան հունապատկան կղզիների ծովային սահմանները, երբ ընդունվի 12 ծովային մղոնով ծովային սահմանների ընդլայնման մասին օրինագիծը։  

Այս դեպքում Թուրքիան կկորցնի Էգեյան ծովով իր ազատ ելքը նեղուցներից դեպի Միջերկրական ծով: Էգեյան ծովի հարավային մասում ձևավորվում է ամուր գոտի, որի պատճառով Թուրքիան կզրկվի Լիբիայի Ազգային համաձայնության կառավարության հետ կնքված ապօրինի համաձայնագրով նախատեսված սահմաններից։

Թուրքիան դեմ է արտահայտվում Հունաստանի ծրագրերին և զգուշացնում, որ տարածքային ջրերի ընդլայնումը կդառնա casus belli: Հունվարի 24-ին երկու երկրների միջև նախատեսվում են հերթական բանակցություններ՝ Արևելյան Միջերկրականում ծագած խնդիրները լուծելու համար։