Սաուդյան Արաբիան կրճատում է նավթի մատակարարումները Եվրոպա և Ասիա

Սաուդյան Արաբիան, փետրվար ամսվա կտրվածքով, կրճատել է Եվրոպայում և Ասիայում առնվազն ինը գնորդի նավթի մատակարարումները: Այս մասին հաղորդում է Bloomberg-ը`հղում կատարելով այն ընկերությունների ներկայացուցիչներին, որոնք համապատասխան ծանուցումներ են ստացել Saudi Aramco-ից:

Գործակալության տվյալներով՝ ասիական նավթավերամշակման որոշ գործարաններ Saudi Aramco-ից կստանան 20-30% պակաս նավթ, քան սպասվում էր երկարաժամկետ պայմանագրերով: Միևնույն ժամանակ, հինգ գնորդների փոքր ծավալի մատակարարման պարտավորությունները ամբողջությամբ կկատարվեն: Փետրվարին Եվրոպա առաքումներ չեն նախատեսվում:

Անցյալ շաբաթ Saudi Aramco-ն ԱՄՆ-ի և Ասիայի  գնորդների համար բարձրացրել է գները: