Ռուսաստանի ԱԳՆ–ն՝ Ղարաբաղում խաղաղությունը վերականգնելու մասին

Ռուսաստանի միջնորդական ջանքերը 2020 թվականին օգնել են վերականգնել խաղաղությունը Լեռնային Ղարաբաղում: Այս մասին հայտնում է ՌԴ ԱԳՆ-ն՝ ամփոփելով անցնող տարվա արդյունքները:

«Ռուսաստանի ջանքերը կոնկրետ արդյունքների են հանգեցրել տարածաշրջանային հակամարտությունները և ճգնաժամային իրավիճակները լուծելու գործում: Մեր երկրի միջնորդության շնորհիվ զինված բախումները դադարեցվել են, և Լեռնային Ղարաբաղում վերականգնվել է խաղաղությունը»,- ասվում է մեկնաբանության մեջ:

Նշվում է, որ բնակչությանը ցուցաբերվել է արտակարգ մարդասիրական օգնություն, պայմաններ են ստեղծվել փախստականների և տեղահանվածների վերադարձի համար, մեկնարկել է խաղաղապահ գործողություն, համաձայնեցվել է ռուս-թուրքական համատեղ կենտրոնի ստեղծումը`ռազմական գործողությունների դադարեցումը վերահսկելու համար: