Ովքեր են հայտնվում Ադրբեջանի «սեւ ցուցակում». «Հրապարակ»

«Հրապարակ» թերթը գրում է. «Ադրբեջանի գլխավոր դատախազությունը քրեական գործ է հարուցել ՌԴ քաղաքացի, ռազմական լրագրող Սեմյոն Պեգովի՝ WarGonzo նախագծը ստեղծողի դեմ, որն այս օրերին մեր եւ միջազգային լրատվության համար արժեքավոր տեղեկատվություն է ապահովում։

Լրագրողին մեղադրում են այն բանում, որ նա Լեռնային Ղարաբաղ է մուտք գործել Հայաստանից։ Մարդիկ, ովքեր հայտնվում են Արցախում՝ առանց պաշտոնական Բաքվի թույլտվության, ավտոմատ կերպով համարվում են անցանկալի անձ եւ ներառվում Ադրբեջանի սեւ ցուցակում։

Ադրբեջանը պաշտոնական գրություն է ուղարկել Ռուսաստանի համապատասխան կառույցներին՝ իր քաղաքացու դեմ քրեական հետապնդում սկսելու մասին»։