ՌԴ ԱԳՆ-ն հայտնել է ՀԱՊԿ-ի երկրներում իրավիճակը խաթարելու՝ արտաքին ուժերի փորձերի մասին

Արտաքին ուժերը փորձում են խարխլել Հավաքական անվտանգության պայմանագրի կազմակերպության երկրներում առկա հասարակական-քաղաքական իրավիճակը, ինչը նկատվել է Բելառուսում. հայտարարել է ՌԴ փոխարտգործնախարար Ալեքսանդր Պանկինը:

«Ուշադրության է արժանի արտաքին ուժերի` մեր երկրների հասարակական-քաղաքական իրավիճակը խարխլելու ցանկությունը: Մենք դա տեսանք Բելառուսում, որտեղ մեզ համար ակնհայտ են մեր եղբայր բելառուսների առջև ծառացած ներքին դժվարությունները օգտագործելու փորձերը», - ասել է Պանկինը ՀԱՊԿ ռազմավարական զարգացման ուղեցույցների կլոր սեղանի ընթացքում:

Նա շեշտել է, որ, ըստ էության, խոսքը հետխորհրդային տարածքի համար պայքարի մասին է: «Մեր տանը նրանք համառորեն ցանկանում են ներմուծել մեզ համար, մեր մշակույթին, հասարակության ընկալմանը, մեր միասնության ընկալմանը խորթ որոշակի կանոններ»,- ասել է Պանկինը: