Թրամփը նշել է, թե որն է աշխարհի ամենամեծ խնդիրը

ԱՄՆ նախագահ Դոնալդ Թրամփը միջուկային զինաթափման շուրջ Ռուսաստանի հետ բանակցությունների շուրջ ստեղծված իրավիճակը համարում է ամենամեծ միջազգային խնդիրը:

«Մենք այժմ Ռուսաստանի հետ աշխատում ենք միջուկային զենքի վերաբերյալ համաձայնագրի շուրջ, քանի որ Ռուսաստանը դա է ցանկանում: Նրանք դա շատ են ցանկանում։ Չեմ կարծում, որ նրանք երկար կսպասեն, և դա հրաշալի է։ Դա այսօր աշխարհում ամենամեծ խնդիրն է», - Սպիտակ տան ղեկավարի խոսքերն է մեջբերում ՏԱՍՍ-ը:

«Մենք այժմ աշխատում ենք Ռուսաստանի հետ այս ուղղությամբ», - ասել է ամերիկացի առաջնորդը:

Ռուսաստանն ու Միացյալ Նահանգները օգոստոսի 16-18-ը Վիեննայում կանցկացնեն խորհրդակցությունների նոր փուլ՝ ռազմավարական կայունության վերաբերյալ: Ռուսական պատվիրակությունը կգլխավորի փոխարտգործնախարար Սերգեյ Ռյաբկովը, ամերիկյան պատվիրակությունը՝ սպառազինության վերահսկման հարցերով նախագահի հատուկ ներկայացուցիչ Մարշալ Բիլինսգլին: