Լիբանանում քննարկվում է երկիրը 2 շաբաթով փակելու հարցը

Լիբանանում վարակի մեծ տարածումից խուսափելու համար երկրի առողջապահության նախարարությունը քաղաքական իշխանությանն առաջարկել է երկու շաբաթով ամբողջությամբ փակել երկիրը. «ՌԻԱ-նովոստի»-ի փոխանցմամբ՝ հայտնում է Yerkir.am-ը:

«Մենք առաջարկեցինք երկիրը փակել երկու շաբաթով, բացառությամբ օդանավակայանի», -այս մասին հայտնել է երկրի ռողջապահության նախարար Համեդ Հասանիը:

Նախարարը հայտարարել է, որ այժմ ժամանակը չէ հանձնվել կորոնավիրուսի դեմ պայքարում։ Նրա խոսքով՝ հենց հիմա պետք է խստացնել սահմանփակումները։

Բուժհաստատություններին արդեն արգելվել է ընդունել հիվանդների խնամողներին ու հարազատներին։ Սակայն բուժհաստատությունների մի մասն էլ հրաժարվել է ընդունել կորոնավիրուսով վարակվածներին։