«Հըզբոլլահ»-ի և Իսրայելի միջև պատերազմը քիչ հավանական է մոտակա ամիսներին. շեյխ Քասեմ

Լիբանանյան «Հըզբոլլահ» շարժումը («Ալլահի կուսակցություն») ներկայումս չի տեսնում Իսրայելի հետ մասշտաբային ռազմական հակամարտության հեռանկարներ` չնայած անցյալ շաբաթ տարածաշրջանում լարվածության մեծացմանը. ըստ yerkir.am-ի` «Ալ Մայադին» հեռուստաալիքին տված հարցազրույցում ասել է լիբանանյան շիաների կազմակերպությունում ազդեցությամն երկրորդ մարդը` շեյխ Նայիմ Քասեմը:

«Մթնոլորտը պատերազմ ցույց չի տալիս: Այն քիչ հավանական է մոտակա մի քանի ամսիներին»,- նշել է նա:

Բազմաթիվ փորձագետներ նշում են, որ «Հըզբոլլահ»-ը և Իսրայելը ցանկանում են խուսափել խոշոր հակամարտությունից տարածաշրջանային ընդհանուր անկայունության ժամանակաշրջանում և վարում են ցածր ինտենսիվության ու տեղային բնույթի ռազմական գործողությունների մարտավարություն:

«Իսրայելի դեմ մեր պայքարի մարտավարությունում որևէ փոփոխություն չկա, և շարունակում է գործել այդ երկրի զսպման հավասարումը, որը մենք չենք պատրաստվում փոխել»,- նշել է շեյխ Քասեմը: