Կադիրովը կոչ է արել Պուտինին ընտրել ցմահ նախագահ

Չեչնիայի ղեկավար Ռամզան Կադիրովը հանրապետության իշխանությունների հետ հանդիպման ժամանակ կոչ է արել Վլադիմիր Պուտինին ընտրել ցմահ Ռուսաստանի Դաշնության նախագահ:

«Ես միշտ ասում եմ. մենք պետք է ցմահ ընտրենք Վլադիմիր Պուտինին որպես նախագահ: Այսօր ո՞վ կարող է փոխարինել նրան: Համաշխարհային մասշտաբով չկա այդպիսի քաղաքական առաջնորդ: Մենք պետք է հպարտ լինենք դրանով», - Չեչնիայի առաջնորդին մեջբերում է Lenta.ru-ն:

Կադիրովը նշել է, որ 206 փոփոխություններից ոչ մեկը չի արվում «հանուն փոփոխության»: Նրա կարծիքով, փոփոխությունները մտցվում են բացառապես «հանուն պետության ամրապնդման, պետության պահպանման համար»: