Հողը Նիկոլի ոտքերի տակից սրընթաց է գնում, նա կորցրել է իրավիճակի նկատմամաբ վերահսկոողությունը. Ա. Աշոտյան

ՀՀԿ փոխնախագահ Արմեն Աշոտյանն իր ֆեյսբուքյան էջում գրում է.

«Երկրում ահագնացող առողջապահական դժոխքի, սոցիալ-տնտեսական կատաստրոֆայի և ձեռառնոցի դարձած պարետատան ֆոնին Նիկոլը փոխում է ոչ թե այդ ձախողումները տված ոլորտների պատասխանատուներին, այլ ուժային ողջ բլոկը:

Ի՞նչ է սա նշանակում:

1. Նիկոլը պայքարում է ոչ թե կորոնավարակի դեմ և մարդկանց առողջության համար, այլ բացառապես սեփական իշխանությունը պահելու համար:

2. Նիկոլը արձանագրում է, որ կիսում է ողջ պատասխանատվությունը երկիրն աղետի հասցրած ոլորտային ղեկավարների գործողությունների համար:

3. Հողը Նիկոլի ոտքերի տակից սրընթաց է գնում, նա կորցրել է իրավիճակի նկատմամաբ վերահսկոողությունը:

4. Սպասվում է ռեպրեսիվ նոր ալիք, որը, սակայն, կլինի ընդամենը Նիկոլի գժապետության վախճանի ագոնիան:

5. Երկրում արձանագրված կառավարման ճգնաժամը օրեցօր վերածվում է քաղաքականի, որի միակ հանգուցալուծումը Նիկոլի հրաժարականն է»։