Նեթանյահուն իր և ընտանիքի դեմ մահվան սպառնալիքների պատճառով դիմել է ոստիկանություն

Իսրայելի վարչապետ Բենյամին Նեթանյահուն բողոք է ներկայացրել ոստիկանություն իր և իր ընտանիքի դեմ մահվան սպառնալիքների պատճառով. հայտնում է «ՌԻԱ Նովոստին»։

«Մի քանի օր առաջ ես բողոք եմ ներկայացրել ոստիկանություն իմ և ընտանիքի անդամների դեմ սպանության սպառնալիքների պատճառով: Այսօր, ցավոք, ես ստիպված էի մեկ այլ բողոք ներկայացնել մի մարդու դեմ, որը պատմել էր, թե ինչպես է նա մտադիր սպանել ինձ և իմ ընտանիքին », - գրել է Նեթանյահուն թվիթերյան իր էջում:

Անցյալ տարվա նոյեմբերին հաղորդվել էր, որ Նեթանյահուն դիմել է ոստիկանություն0՝ Facebook-ում իր դեմ ուղղված սպառնալիքների կապակցությամբ, և խնդրել է անհապաղ հետաքննություն սկսել: