Հրանտ Դինքի հիմնադրամին մահվան սպառնալիքներ ուղղած անձը ձերբակալվել է

Հրանտի Դինքի հիմնադրամի փաստաբանին և Դինքի այրի Ռաքել Դինքին էլ-փոստով մահվան սպառնալիքներ ուղղած անձը ձերբակալվել է. հայտնում է «Ակօս»-ը։

Ըստ ԶԼՄ-ներում տարածված տեղեկության՝ հարցաքննության ընթացքում մեղադրյալը նշել էր, որ գործել է իր ադրբեջանցի սիրեցյալի ազդեցության տակ։ Բացի այդ զանգահարել է հայկական եկեղեցիներից մեկին և, առանց ներկայանալու, սպառնացել։

Ըստ Թուրքիայի ՔՕ-ի՝ նման դեպքերում նախատեսվում է 3-7.5 տարվա ազատազրկում։

Հիշեցնենք, որ մայիսի 29-ին Հրանտ Դինքի հիմնադրամին սպառնալից նամակներ են ուղարկվել։ Նամակում պահանջվում էր նրանց լքել երկիրը, իսկ փաստաբանին և Ռաքել Դինքին սպառնում մահով։