Եվրոպայի խորհրդի Ստրասբուրգյան նստաշրջանը չեղարկվել է կորոնավիրուսի պատճառով

Եվրոպայի խորհրդի 38-րդ նստաշրջանը հյուրընկալող Ֆրանսիան երկրում և հարևան երկրներում կորոնավիրուսի բռնկման պատճառով խորհրդի Տեղական և տարածքային իշխանությունների կոնգրեսը չեղարկել է ԵԽ 38-րդ նստաշրջանը, որը պետք է տեղի ունենար մարտի 17-19-ին Ստրասբուրգում: Այս մասին տեղեկացնում է խորհրդի պաշտոնական կայքէջը։ 

Չեղարկվել են նաև բոլոր նիստերն ու միջոցառումները, որոնք պետք է տեղի ունենային այս շաբաթ Ստրասբուրգում: Որոշումն ուղղված է Կոնգրեսի 47 ազգային պատվիրակությունների անդամների, հրավիրված անձանց, քարտուղարության և այլ մարդկանց առողջության պահպանմանը, ինչպես նաև կորոնավիրուսի տարածումը կանխելուն և բխում է անդամ-պետությունների առողջապահական մարմինների և Առողջապահության համաշխարհային կազմակերպության կարգադրություններից ու Եվրոպայի խորհրդի քաղաքականությունից: