Հայթաղում հուղարկավորեցին մահացած զինծառայողին. ներկա էր Դավիթ Տոնոյանը

Արմավիրի մարզի Հայթաղ գյուղում հուղարկավորեցին հունվարի 30-ին Արցախում զոհված N զորամասի պարտադիր ժամկետային զինծառայող Վահրամ Ավագյանին:

Ներկա էր նաև ՀՀ պաշտպանության նախարար Դավիթ Տոնոյանը, բարձրաստիճան զինվորականներ:

Այսօր առավոտյան Արցախում հունվարի 30-ին մահացած զինծառայող Վահրամ Ավագյանի հարազատները համաձայնության եկան Պաշտպանության նախարար Դավիթ Տոնոյանի հետ: Նախարարի հորդորով ու խնդրանքով, նրանք որոշեցին դադարեցնել բողոքը և վերադառնալ գյուղ՝ հուղարկավորելու զինվորին: Նախարարը խոստացավ նրանց հետ մասնակցել հուղարկավորությանը:

Վահրամ Ավագյանի հարազատները, չհավատալով ինքնասպանության նախնական վարկածին, ի նշան բողոքի, զինվորի դին բերում էին Երևան՝ փակելով Արմավիր-Երևան մայրուղին: