Պուտինն առաջարկել է Յուրի Չայկային ազատել գլխավոր դատախազի պաշտոնից

Ռուսաստանի նախագահ Վլադիմիր Պուտինն առաջարկել է Դաշնության խորհրդին գլխավոր դատախազ նշանակել այժմ Քննչական կոմիտեի ղեկավար Ալեքսանդր Բաստրիկինի տեղակալի պաշտոնն զբաղեցնող Իգոր Կրասնովին. ըստ Yerkir.am-ի՝ հայտնում է ՌԻԱ «Նովոստի»-ն։

Ներկայիս գլխավոր դատախազ Յուրի Չայկային նախագահն առաջարկել է ազատել պաշտոնից՝ «այլ աշխատանքի անցնելու կապակցությամբ»։

Ըստ Ռուսաստանի Սահմանադրության 83-րդ հոդվածի՝ նախագահը Դաշնության խորհրդին է ներկայացնում գլխավոր դատախազի պաշտոնի համար թեկնածություն եւ առաջարկություն նրան պաշտոնից ազատելու մասին։

Գլխավոր դատախազին պաշտոնին նշանակում և պաշտոնից հանում է Դաշնության խորհուրդը։