ԱՄՆ Պետդեպարտամենտը՝ Ռուսաստանի կառավարության հրաժարականի մասին

ԱՄՆ Պետդեպարտամենտի մամուլի ծառայության ղեկավար Մորգան Օրտագուսը անդրադարձել է Ռուսաստանի կառավարության հրաժարականին։ Ինչպես հայտնում է RTVI-ը, Օրտագուսը մասնավորապես ասել է հետեւյալը․ «Կարող եմ միայն ասել, որ մենք կողմնակից ենք ՌԴ քաղաքացիների»։ Նա հավելել է, որ ԱՄՆ նախագահ Դոնալդ Թրամփն ունի ցանկություն բարելավել հարաբերությունները ԱՄՆ եւ Ռուսաստանի միջեւ, սակայն «դա կախված է ռուսական իշխանություններից»։ «Ով էլ լինի իշխանության ղեկին Ռուսաստանում, նրանք հաշվի կառնեն մեր ցանկությունները՝ արտաքին քաղաքականության ոլորտում փոփոխությունների մասին»,- նկատել է Պետդեպի խոսնակը։ Սպիտակ տունը հրաժարվել է մեկնաբանել ՌԴ կառավարության փոփոխության մասին հարցը, ըստ ՏԱՍՍ-ի փոխանցման։