Սահմանամերձ գյուղերի 700 երեխաներ Երևանում կմասնակցեն մշակութային և ժամանցային միջոցառումների

ՀՀ վարչապետի տիկին, «Իմ քայլը» և  «City of smile/ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանի նախաձեռնությամբ հուլիսի 26-ից սկսած ՀՀ սահմանամերձ գյուղերի ավելի քան 700  9-13 տարեկան երեխաներ ամառային արձակուրդների շրջանակում կայցելեն Երևան։ Այս մասին հայտնում են Աննա Հակոբյանի գրասենյակից:

Ծրագրի շրջանակում երեխաները կայցելեն Հայաստանի Ազգային պատկերասրահ՝ կմասնակցեն պատկերասրահի ինտերակտիվ-կրթական ծրագրին, կլինեն «Հաղթանակի» զբոսայգում, Երևանի կենդանաբանական այգում, կշրջեն քաղաքի նորաբաց այգիներում, ինչպես նաև կայցելեն «Տաշիր» պիցցա և «Պոնչիկանոց»։