ԱՄՆ սենատորները Թուրքիայի դեմ պատժամիջոցների նոր փաթեթ են ներկայացրել

ԱՄՆ նախագահ Դոնալդ Թրամփի կուսակիցները` հանրապետական սենատորներ Ռիք Սքոթը և Թոդ Յանգը, Թուրքիայի կողմից ռուսական Ս-400-ների ձեռք բերումից հետո Սենատ են ներկայացրել պատժամիջոցների օրինագիծ. հաղորդում է Euronews-ի թուրքական ծառայությունը:

«Թուրքիայի նախագահ Ռեջեփ Թայիփ Էրդողանը Թուրքիայի Հանրապետությունը ղեկավարում է մարդու իրավունքները ոտնակոխ անող ավտորիտար ռեժիմով, անցել է իսլամական ծայրահեղական խմբավորումների կողմը և ԱՄՆ-ի դաշնակից Իսրայելի նկատմամբ որդեգրել է սադրիչ դիրքորոշում»,- նշված է օրինագծում, որում կոչ է արվում Անկարայի նկատմամբ կիրառել անհրաժեշտ պատժամիջոցները:

Դեմոկրատ սենատոր Բոբ Մենենդեզն էլ հայտարարել է, որ Թուրքիային Ֆ-35-ների ծրագրից դուրս մղելը բավարար պատժամիջոց չէ: