Ես քաղաքական հայտարարությունները չեմ մեկնաբանում, ես մեկնաբանում եմ իրավական ակտերը. ՍԴ նախագահ

Սահմանադրական դատարանի նախագահ Հրայր Թովմասյանը այսօր «Ազատության» հետ զրույցում հրաժարվեց մեկնաբանել ՀՀ վարչապետ Նիկոլ Փաշինյանի արած այն հայտարարությունները, թե Թովմասյանը սեփականաշնորհել է Սահմանադրական դատարանը, և «ՍԴ-ն այս սեփականաշնորհված «բուդկայի» կարգավիճակից պետք է դուրս գա»։

«Ես քաղաքական հայտարարությունները չեմ մեկնաբանում, ես մեկնաբանում եմ իրավական ակտերը»,- ասաց Թովմասյանը:

Հարցին՝ իսկ ինքն ինչպե՞ս է պատկերացնում լուծումը ստեղծված իրավիճակում, ՍԴ նախագահն արձագանքեց․ «Ես կրկնում եմ՝ քաղաքական հարցերին ես լուծում չեմ տալիս: Մնացածը մեր հայտարարության մեջ կա»:

Նշենք նաև, որ այլ հարցերի Թովմասյանը չպատասխանեց՝  նշելով, որ եթե գտնի, որ կա անհրաժեշտություն, հարցազրույց կտա։