ՄԻԵԴ-ը պարտավորեցրել է Թուրքիային` քրդական կուսակցության առաջնորդի իրավունքները ոտնահարելու համար 2000 եվրո վճարել

ՄԻԵԴ-ը քրդական Ժողովուրդների դեմոկրատական կուսակցության նախկին նախագահ Սելահաթթին Դեմիրթաշի խոսքի ազատությունը խախտելու համար Թուրքիային դատապարտել է վճարել 2000 եվրո որպես բարոյական փոխհատուցում, ինչպես նաև ևս 2 հազար եվրո դատական ծախսերի համար. հաղորդում է gazeteduvar.com.tr կայքը:

Դեմիրթաշը ձերբակալվել էր 2016 թ. նոյեմբերին և մինչ օրս պահվում է բանտում:

ՄԻԵԴ-ի այս որոշումը վերաբերում է 2005 թ. հուլիսի 5-ին Դիարբեքիրի Մարդու իրավունքների գրասենյակի ղեկավար Դեմիրթաշի` ROJ TV-ին տված հարցազրույցում Աբդուլլահ Օջալանի վերաբերյալ կարծիքներից հետո «ահաբեկչական կառույցի քարոզ անելու» մեղադրանքով դատապարտվելու վճռին: