Մի հատ էլ սալյուտ խփեք դահլիճում․ ԱԺ նախագահը՝ Մարուքյանին

Այսօր խորհրդարանի արտահերթ նիստի ընթացքում` երեկ անավարտ մնացած հարցերի քննարկման ժամանակ, դահլիճում աստիճանաբար աղմուկ տարածվեց, ինչի պատճառով ԱԺ նախագահ Արարատ Միրզոյանը ընդհատեց նախագիծը ներկայացնողի ելույթը`միևնույն ժամանակ հորդորելով ընդդիմության ներկացուցիչներին զուսպ մնալ ու չաղմկել:

Ըստ երևույթին` նիստերի դահլիճից հակադարձեցին նախագահին`պատճառաբանելով, որ քննարկում են իրականացնում: Պատգամավորների այս խոսքերին ի պատասխան` Արարատ Միրզոյանը հորդորեց նման քննարկումները շարունակել դահլիճից դուրս:

«Հա, դրսում քննարկեք, պարո’ն Մարուքյան։ Մի հատ էլ սալյուտ խփեք դահլիճում»,- ասաց Միրզոյանը։

Ի վերջո, շարքերում կատակեցին թեմայի առնչությամբ. միջադեպն արագ ցրվեց։