Լիազորությունների ո՞ր շրջանակներում է ՀՀ նախագահը միջազգային հանդիպումներ ունենում. ՀՀ նախագահի աշխատակազմի ղեկավարի պարզաբանումը

Այսօր Ազգային ժողովի պետաիրավական հարցերի և ֆինանսավարկային ու բյուջետային հարցերի մշտական հանձնաժողովների համատեղ նիստում 2018-ի բյուջեի կատարողականի քննարկման ժամանակ  ՀՀ նախագահի աշխատակազմի ղեկավար Էմիլ Տարասյանը, պատասխանելով ԱԺ պետաիրավական հարցերի հանձնաժողովի նախագահ Վլադիմիր Վարդանյանի այն հարցադրմանը, թե ՀՀ նախագահը սահմանադրական ո՞ր լիազորությունների շրջանակներում է միջազգային ասպարեզում հանդիպումներ ունենում, ասաց.  «Երբ ՀՀ նախագահը սահմանադրական գործառույթների մասով հանդիպումներ ու քննարկումներ է ունենում, պարտադիր մասնակից է դարձնում կառավարության լիազոր գերատեսչություններին: Քննարկվող ծրագրերը ԱԳՆ-ին է ներկայացվում, և  մասնակից ենք դարձնում կառավարության համապատասխան մարմիններին, որոնք զբաղվում են այդ ծրագրերի իրականացմամբ»: