Վարչապետի աշխատակազմի սոցհարցերի վարչության պետի պաշտոնից ազատվել և նշանակվել է աշխատակազմի ղեկավարի տեղակալ

Վարչապետ Նիկոլ Փաշինյանի որոշմամբ՝ Սարգիս Թորոսյանն ազատվել է վարչապետի աշխատակազմի սոցիալական հարցերի վարչության պետի պաշտոնից:

«Ղեկավարվելով «Քաղաքացիական ծառայության մասին» Հայաստանի Հանրապետության օրենքի 37-րդ հոդվածի 1-ին մասի 7-րդ կետով՝

Սարգիս Թորոսյանին ազատել վարչապետի աշխատակազմի սոցիալական հարցերի վարչության պետի պաշտոնից»,-ասված է որոշման մեջ:

Վարչապետի մեկ այլ որոշմամբ՝ Սարգիս Թորոսյանը նշանակվել է վարչապետի աշխատակազմի ղեկավարի տեղակալ:

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 13-րդ մասով՝

Սարգիս Թորոսյանին նշանակել վարչապետի աշխատակազմի ղեկավարի տեղակալ»,-նշված է որոշման տեքստում: