Հայ լրագրողներին, որոնք Բաքու կժամանեն, պետք է տանել ՊՆ. Հեյդար Ալիևի նախկին խորհրդական

Ապրիլի 15-ին Մոսկվայում կայացած հանդիպման ժամանակ Հայաստանի և Ադրբեջանի ԱԳ նախարարները պայմանավորվել են քայլեր ձեռնարկել, որ հայ և ադրբեջանցի լրագրողները կարողանան փոխադարձ այցեր կատարել:

Ադրբեջանի նախագահ Հեյդար Ալիևի նախկին խորհրդական Էլդար Նամազովը մեկնաբանել է այդ մտադրությունը` ասելով, որ  այն հայ լրագրողներին, որոնք կժամանեն Բաքու, պետք է միանգամից երկրի ՊՆ տանել. հայտնում է Minval.az-ը:

«Նրանց պետք է ցույց տալ Ադրբեջանի բանակում առկա ժամանակակից զենքը: Նրանց անհրաժեշտ է բացատրել, որ եթե հողերը չազատագրվեն, ապա մենք կհարվածենք նրանց այդ զենքով: Դրանից հետո նրանց կարելի է տանել օդանավակայան և տուն ուղարկել»,- ասել է Նամազովը: