Մենք չենք կարող նույնիսկ քննարկել «Տարածքներ` խաղաղության դիմաց» բանաձևը. ՀՀ վարչապետ

Ասել եմ`  ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ հեռախոսազրույցի ընթացքում Արցախ, Ադրբեջան անունները չեն շոշափվել. լրագրողների հետ զրույցում հայտարարեց ՀՀ վարչապետ Նիկոլ Փաշինյանը:

Դիտարկմանը` Բոլթոնն Ալիևի հետ քննարկել է Ղարաբաղյան հարցը, նա արձագանքեց, թե չի կարող ասել:

Ինչ վերաբերում է Ադրբեջանի նախագահ Իլհամ Ալիևի հետ հանդիպումներին, ըստ Փաշինյանի, դրանք բանակցություններ չեն, դրանք ոչ պաշտոնական շփումներ են, որոնց ընթացքում տեղի է ունենում մտքերի փոխանակություն:

Հարցին՝ կա՞  բանակցությունները սկսելու նախաձեռնություն, վարչապետը պատասխանեց, որ այդ հարցը ԱԳ նախարարների քննարկման օրակարգում է: «Պարոն Ալիևի հետ հանդիպման ժամանակ ասել ենք, որ մեր արտգործնախարարներն են աշխատում այդ ուղղությամբ, համանախագահների հետ ռեկոմենդացիա կներկայացնեն, կորոշենք»,- նշեց նա:

«Տարածքներ` խաղաղության դիմաց» թեզի վերաբերյալ Փաշինյանն ասաց. «Մենք չենք կարող նույնիսկ քննարկել «Տարածքներ` խաղաղության դիմաց» բանաձևը»: