Մեկնարկել է ԱԺ նորընտիր պատգամավորներին մանդատ հանձնելու արարողությունը

Ալ. Սպենդիարյանի անվան օպերայի և բալետի ազգային ակադեմիական թատրոնում հանդիսավոր կերպով տեղի ունեցավ 7-րդ գումարման ԱԺ պատգամավորներին մանդատների հանձնման արարողությունը:

Yerkir.am-ի թղթակիցը հայտնում է, որ պատգամավորներին մանդատները հանձնում են ընտրողները: Առաջին մանդատը հանձնեց ամենածեր ընտրողը` 103-ամյա Բավական  Փիլոյանը:  Այդ մանդատը «Լուսավոր Հայաստան»-ի պատգամավոր Գուրգեն Բաղդասարյանինն էր:  Իսկ վերջին մանդատը հանձնեց ամենաերիտասարդ ընտրողը, որի 18 տարին լրացել էր հենց ընտրության օրը` դեկտեմբերի 9-ին: Նրա հանձնած մանդատը ԲՀԿ-ից Գևորգ Պետրոսյանինն էր:

Մյուս պատգամավորներին էլ մանդատները հանձնեցին յուրաքանչյուր ընտրատեղամասից երկուական ընտրող: