«Սանիթեք»-ն ունի մեքենաների պակաս. Հայկ Մարության

Աղբահանության խնդիրը նախորդ իշխանություններից ենք ժառանգություն ստացել. ավագանու նիստից հետո լրագրողներին ասաց Երևանի քաղաքապետ Հայկ Մարությանը:

Հարցին` արդյո՞ք ունենալու ենք աղբահանության երկրորդ օպերատորը, քաղաքապետն արձագանքեց. ««Սանիթեք»-ն ունի մեքենաների պակաս, գիշեր-ցերեկ աշխատում են, մենք ենք ստիպում նրանց: 10-ից ավելի անգամ հանդիպել ենք տնօրենների, սեփականատերերի հետ, հորդորել ենք, պահանջել ենք, ստիպել ենք, որ ենթաջոկատներ վերցնեն, որովհետև չեն հասցնում։ Բացի դրանից` մեքենաների պակաս ունեն։ Ես մեղադրում եմ հին իշխանություններին, որ թողել են մեկ ընկերության մի ամբողջ քաղաքի աղբահանությամբ զբաղվելը»: