Պուտինը մեկնաբանել է Սև ծովում կատարվածը

ՌԴ նախագահ Վլադիմիր Պուտինը մեկնաբանել է Աև ծովում տեղի ունեցածը. հայտնում է РИА Новости-ն: Նրա խոսքով` դա սադրանք էր, որը կազմակերպել էր Ուկրաինայի նախագահ Պյոտր Պորոշենկոն նախագահական ընտրությունների նախաշեմին:

Նշենք, որ նման կարծիք են հայտնել նաև մի շարք փորձագետներ` նշելով, որ Պորոշենկոն ձգտում է չեղարկել նախագահական ընտրությունները, քանի որ հաղթելու շանսեր գրեթե չունի:

Պուտինը նաև ուշադրություն է հրավիրել այն հանգամանքին, որ անգամ Ղրիմի` ՌԴ-ին միանալու և Դոնբասում հակամարտության ժամանակ Ուկրաինայում ռազմական դրություն չի հայտարարվել, իսկ հիմա դա արվում է «փոքր միջադեպի» պատճառով:

«Դա նախօրոք է ծրագրված սադրանք է: Իրավիճակը սրելու խաղ է»,-ասել է նա:

Ռուս-ուկրաինական հարաբերությունները սրվել են այն բանից հետո, երբ ուկրաինական նավերը խախտել են ՌԴ-ի սահմանը և ձերբակալվել: