Ինչպես է «Դուխով» գրառմամբ դրոշը հայտնվել շտապօգնության մեքենայի վրա

Տեղեկացրել էինք, որ ՀՀ վարչապետի պաշտոնակատար Նիկոլ Փաշինյանի նախաձեռնած համաերևանյան երթը քիչ առաջ մեկնարկել է Նոր Նորքի 6–րդ զանգվածից։

Երթին ուղեկցում են ոստիկանության և շտապօգնության մեքենաները, ընդ որում ` շտապօգնության մեքենայի պատուհաններից ծածանվում է  ոչ միայն ՀՀ, այլ նաև «Դուխով» գրառմամբ դրոշ:

«Շտապբուժօգնության» տնօրեն Թագուհի Ստեփանյանը Yerkir.am-ի հետ զրույցում նշեց, որ շտապօգնությունը հերթապահություն է իրականացնում` ինչպես ցանկացած նման երթերի ժամանակ: «Մի տղա մոտեցել ու դրոշը տեղադրել է, որը հետագայում մեր աշխատակիցների կողմից հեռացվել է, քանի որ շտապօգնությունը ոչ թե երթի է մասնակցում, այլ իր աշխատանքն է կատարում»,-ասաց նա: