Կառավարությունը հավանություն տվեց բնապահպանական ծրագրին 23 մլն եվրո դրամաշնորհ տրամադրելու վերաբերյալ համաձայնագրին

Կառավարության հերթական նիստում հավանության արժանացավ Հայաստանի Հանրապետության և Վերականգնման վարկերի բանկի միջև Հայաստանում կենսաբազմազանության և կայուն տեղական զարգացման ծրագրին 23,208,483.13 եվրո գումարի չափով դրամաշնորհ տրամադրելու վերաբերյալ համաձայնագրի ստորագրման առաջարկությունը:

Բնապահպանության նախարարի պաշտոնակատար Էրիկ Գրիգորյանը հայտնեց, որ «Հայաստանում կենսաբազմազանության և կայուն տեղական զարգացման» ծրագրի իրականացման տևողությունը 8 տարի է: «Այն կապահովի կենսաբազմազանությամբ հարուստ տարածքներում բնական ռեսուրսների պահպանությունն ու կայուն օգտագործումը»,- ասաց նա:

Ըստ Գրիգորյանի` թիրախային տարածքներն աշխարհագրորեն սահմանափակված չեն, ծրագիրը հնարավոր է իրագործել Հայաստանի ցանկացած վայրում: