35-ի փոխարեն Երևանը կսպասարկի շտապօգնության 42 բրիգադ

Չինաստանի կառավարության կողմից ՀՀ կառավարությանը նվիրաբերվել է շտապօգնության 200 մեքենա, այդ թվում` շտապօգնության ռեանիմոբիլներ, շտապ օգնության գծային մեքենաներ, որոնցից 49-ն այսօր ՀՀ առողջապահության նախարարության կողմից տրամադրվել են Երևանի քաղաքապետարանի ենթակայության տակ գործող «Շտապբուժօգնություն» ՓԲԸ-ին:

Երևանի քաղաքապետարանի առողջապահական բաժնի ղեկավար Կամսար Բաբինյանը ֆեյսբուքյան իր էջում գրել է, որ արդյունքում` Երևան քաղաքը 35-ի բրիգադի փոխարեն կսպասարկի շտապօգնության 42 բրիգադ: «Շտապօգնության մեքենաները հագեցած են արդի պահանջներին համապատասխանող բժշկական սարքավորումներով և պարագաներով, ինչն էլ իհարկե կնպաստի մատուցվող բժշկական ծառայությունների որակի էլ ավելի բարձրացմանը: Եղեք առողջ»,- գրել է նա: