Դիվանագիտական սկանդալ Մոսկվայի և Իսրայելի միջև. Նեթանյահուն կզանգահարի Պուտինին

Իսրայելի վարչապետ Բինյամին Նեթանյահուն մտադիր է մոտակա ժամերին հեռախոսազրույց ունենալ ՌԴ Նախագահ Վլադիմիր Պուտինի հետ` կապված Սիրիայում ռուսական Իլ-20-ի խոցման հետ: Այդ մասին РИА Новости-ին հայտնել է դիվանագիտական աղբյուրը:

Ավելի վաղ տեղեկացրել ենք, որ Իսրայելը հարվածներ է հասցրել Սիրիայում, իսկ սիրիական ուժերը պաշտպանվելիս խոցել են ռուսական Իլ-20-ը, որը եղել է դեպքի վայրից ոչ հեռու: Զոհվել է 15 զինվոր:

ՌԴ ՊՆ ղեկավար Սերգեյ Շոյգուն արդեն հեռախոսազրույց է ունեցել Իսրայելի ՊՆ ղեկավարի հետ և մեղադրել կատարվածում Իսրայելին: ՌԴ Պետդումայում Իսրայելի քայլերը «ագրեսիայի ակտ» են անվանել:

Իսրայելը խոստովանել է, որ հարվածներ է հասցրել Սիրիայում, սակայն օդանավի խոցման պատասխանատվությունը չի ընդունել: