Իրանը մտադիր է հեշտացնել երկրում արժույթի շրջանառության կանոնները

Իրանի պետական հեռուստատեսությունը օգոստոսի 5-ին հայտնել է երկրում արժույթի շրջանառության կանոնները հեշտացնելու Թեհրանի ծրագրերի մասին: Այդ քայլը պայմանավորված է ազգային արժույթի կտրուկ անկմանը դիմակայելու մտադրությամբ և ԱՄՆ-ի կողմից նոր պատժամիջոցներին պատրաստվելու անհրաժեշտությամբ: Այդ մասին հայտնում է Deutsche Welle-ի ռուսական ծառայությունը:

 Մասնավորապես,  Թեհրանը չեղարկում է փոխանակման կետերում ճկուն փոխարժեքներով առձեռն արժույթի վաճառքի արգելքն այնպիսի նպատակների համար, ինչպես արտասահման մեկնելը: Բացի այդ, իշխանությունները մտադիր չեն սահմանափակել արժույթի կամ ոսկու ներկրումն Իրան, իսկ առաջին անհրաժեշտության ապրանքները և դեղորայքը հնարավոր կլինի ձեռք բերել ամուր արժույթով, որն այդ նպատակներով հասանելի կլինի նվազեցված փոխարժեքով:

Հիշեցնենք, որ Իրանում վերջին օրերին բողոքի ցույցեր էին. մարդիկ բողոքում էին տնտեսական իրավիճակից: