Օսիպյանի հանձնարարականով` Գարեգին Բ-ի տեղաշարժին խոչընդոտելու փաստով ծառայողական քննություն է սկսվել

ՀՀ ոստիկանության պետ Վալերի Օսիպյանի հանձնարարականով` ոստիկանության ներքին անվտանգության վարչությունում ծառայողական քննություն է սկսվել Ամենայն Հայոց կաթողիկոս Գարեգին Բ-ի տեղաշարժին խոչընդոտելու դեպքի հետ կապված: Այս մասին Yerkir.am-ի հետ զրույցում ասացին ոստիկանության լրատվական բաժնից:

«Միջադեպն ուսումնասիրվում է: Դեպքի հետ կապված` ՀՀ ոստիկանության պետ Վալերի Օսիպյանի հանձնարարականով ոստիկանության ներքին անվտանգության վարչությունում ծառայողական քննություն է սկսվել»,- ասացին ոստիկանությունից: 

Հիշեցնենք, որ Ամենայն Հայոց կաթողիկոսը հուլիսի 14-ին ուխտի էր մեկնել Գնդեվանք (Վայոց ձորի թեմ), որտեղ «Նոր Հայաստան, նոր հայրապետ»նախաձեռնության անդամներն արգելափակել էին Վեհափառ հայրապետի ճանապարհը։