Թուրքիայի պետական TRT հեռուստաալիքի դեմ բողոքի հայց է ներկայացվել

Թուրքիայում հունիսի 24-ին կայանալիք արտահերթ ընտրությունների առիթով օրեցօր աճում է լարվածությունը:

Ըստ Demokrathaber-ի` Իսմայիլ Սայգըլը անունով քաղաքացին բողոքի հայց է ներկայացրել պետական TRT հեռուստաալիքի դեմ այն մեղադրանքով, թե TRT-ն ընտրություններում ընդդիմության կողմից առաջադրված թեկնածուներին ելույթի հավասարաչափ իրավունք չի հատկացնում:

Ստամբուլի գլխավոր դատախազություն ներկայացրած հայցում քաղաքացին նշել է, որ TRT-ն պատասխանատու է Թուրքիայի` 80 միլիոն քաղաքացու առջև, որոնք հեռուստաալիքի անարդար գործելաոճի պատճառով զրկվում են տեղեկանալու և ընտրությունների մասին հավասարաչափ իրազեկվելու իրավունքից: