Փաշինյանը կփորձի երաշխիքներ ստանալ ՀՀԿ-ից

Այսօր Հանրապետության հրապարակում հրավիրված հանրահավաքի ընթացքում Նիկոլ Փաշինյանը հայտարարեց, որ այսօրվա ընթացքում քաղաքական վիճակ է փոխվել:

ՀՀԿ-ն հայտարարել է, որ սատարելու է վարչապետի ընտրություններում երկրորդ փուլի այն թեկնածուին, ով կառաջադրվի պատգամավորների մեկ երրորդի կողմից: Փաշինյանը նշեց, որ վաղը պաշտոնապես առաջադրվելու է վարչապետի թեկնածու «Ելք», ՀՅԴ, «Ծառուկյան դաշինք» խմբակցությունների կողմից:

«Թեկնածուի ընտրության հարցը գործնականում լուծված է, բայց սրանք բանավոր հայտարարություններ են, և անհրաժեշտ է վաղը անել կոնկրետ գործողություններ, պատրաստել փաստաթղթեր և ի վերջո ավելի մասնրամասն պետք է տեղեկանալ ՀՀԿ խմբակցության դիրքորոշման մասին: Մենք վաղը աշխատելու ենք ԱԺ-ում, փորձելով հավաստիանալ, որ հայտարարությունները ՀՀԿ մասով երաշխավորված են»,- ասաց Փաշինյանը: