Պուտինի վարկանիշն ընկել է

ՌԴ  նախագահ Վլադիմիր Պուտինի նկատմամբ ժողովրդի վստահության մակարդակը նախագաhական ընտրություններից մեկ ամիս անց վերջին 5 տարվա համար ռեկորդային անկում է գրանցել՝ 55,3%-ից հասնելով 48,4%-ի. հայտնում է Ведомости-ն:

 Հանրային կարծիքի ուսումնասիրման համառուսաստանյան կենտրոնի գլխավոր տնօրեն Վալերի Ֆյոդորովը նշել է, որ բնական գործընթաց է, քանի որ ռուսների մեծ մասն ապաքաղաքականացված է ու քաղաքական թեմաներով է հետաքրքրվում միայն ընտրական քարոզարշավների կամ արտակարգ դեպքերի ժամանակ:

Ըստ նրա` վարկանիշի անկումը կապված է նաև Կեմերովոյում տեղի ունեցած ողբերգական դեպքի ու միջազգային հարթակում Ռուսաստանի շուրջ ստեղծված լարված իրավիճակի հետ: