Հայաստանում կստեղծվեն ռուսական ռազմական ոստիկանության ստորաբաժանումներ

Հայաստանում տեղակայված Հարավային ռազմական շրջանի ռուսական ռազմաբազայում ձևավորվում են ռազմական ոստիկանության ստորաբաժանումներ. հայտնում է РИА Новости-ն` Հարավային ռազմական շրջանի մամուլի ծառայությանը հղումով:

Ավելի վաղ Գյումրիի ռուսական ռազմաբազայում կարգուկանոնի ապահովման համար հատկացվում էին առանձին պարեկային խմբեր, սակայն դրանց կազմի զինծառայողները չունեին հատուկ պատրաստություն: Ջոկատները, որոնք կստեղծվեն այժմ, համալրված կլինեն Վլադիկավկազի ռազմական ոստիկանության ուսումնական կենտրոնում պատրաստում անցած մասնագետներով: Դրանք կստեղծվեն զինվորական կարգապահության պահպանության, ճանապարհային երթևեկության անվտանգության և Գյումրիի ռազմական կայազորի օբյեկտների պահպանության համար: