Ադրբեջանցին սպանել և այրել է հարևանուհուն 3 մանաթի համար

Ադրբեջանի Գյանջա քաղաքի տներից մեկում հրդեհ է բռնկվել, որը մարելուց հետո տանը հայտնաբերվել է տանտիրուհու՝ Նաթելա Քաթիբլիի այրված մարմինը. հայտնում է АПА-ն:

 Օպերատիվ-որոնողական գործողությաննների արդյունքում պարզվել է, որ կնոջը կողոպտելու նպատակով սկզբում խեղդել են, ապա այրել։ Հանցագործության կատարման մեջ կասկածվել է սպանվածի հարևանը՝ նախկինում դատապարտված Էլչին Մուստաֆաևը։  

Մուստաֆաևի խոսքով` հարևանուհուց խնդրել է 3 մանաթ, սակայն Նաթելա Քաթիբլին վիրավորել է իրեն և պահանջել դուրս գնալ։ Ի պատասխան` հարբած Մուստաֆաևը կնոջը հարվածով տապալել է գետնին եւ, փորձելով խեղդել, կտրել է կոկորդը, իսկ սպանության հետքերը թաքցնելու նպատակով հրդեհել է նրա տունը։