Գոնե մեկ անգամ նայեք ձեր ամոթալի անցյալին. Ցեղասպանության մասին բանաձևերի ընդունումից հետո Թուրքիայի կրքերը չեն հանդարտվում

Թուրքական կողմը շարունակում է արձագանքել Նիդերլանդների երկրի խորհրդարանի ստորին պալատի կողմից Հայոց ցեղասպանության վերաբերյալ երկու բանաձևերի ընդունմանը:

Ըստ «Անադոլու» գործակալության ՝ բանաձևերի առնչությամբ կրկին քննադատական հայտարարություն է հնչեցրել վարչապետ Բինալի Յըլդըրըմը՝ Նիդերլանդներին «գաղութատիրական անցյալ ունենալու և պատմության մեջ բազմաթիվ կոտորածներ իրականացնելու մեջ» մեղադրելով:

«Ոմանք եկել` մեզ դասեր են տալիս... Հայոց ցեղասպանություն, 1915 թվական… Նախ և առաջ` մեզ նման բաների մասին հարցնելու փոխարեն գոնե մեկ անգամ ձեր ամոթալի անցյալին նայեք՝ գաղութատիրություն, ցեղասպանություն ու կոտորածներ. այս ամենը ձեր պատմության մի մասն է, ոչ թե մեր»,- ասել է նա: