Աշոտ Կարապետյանը պայքարը կսկսի փետրվարի 22-ին․ պարզաբանում է մարզիկը

Հարավկորեական Փհենչանում ընթացող ձմեռային օլիմպիական խաղերում Հայաստանի ներկայացուցիչներից պայքարը չի սկսել միայն լեռնադահուկորդ Աշոտ Կարապետյանը։ Հայաստանի մյուս երկու ներկայացուցիչներն արդեն ավարտել են իրենց ելույթները։

18-ամյա Կարապետյանի մարզագույքի հետ կապված սկանդալային միջադեպից հետո մամուլում շարունակվում է քննարկվել օլիմպիական խաղերին հայ մարզիկի մասնակցության հարցը։ Այսօր տեղեկություն տարածվեց, թե Կարապետյանը պետք է մասնակցեր հսկա ոլորավայէջք մրցաձևին, սակայն ելույթ չի ունեցել։

Yerkir.am-ի հետ զրույցում Կարապետյանը հայտնեց, որ ի սկզբանե պարզ էր, որ ինքը պետք է հանդես գա միայն հատուկ ոլորավայրէջք ձևում, իսկ հսկա ոլորավայրէջքին չի մասնակցել, քանի որ անհրաժեշտ վարկանիշ չի ունեցել։ 

Հայաստանի վերջին ներկայացուցիչը պայքարի մեջ կմտնի փետրվարի 22-ին։