Ադրբեջանին վրդովեցրել է Զախարովայի հայտարարությունը

Ադրբեջանին վրդովեցրել է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանությունը Ադրբեջանի նախագահ Իլհամ Ալիևի` Երևանը «վերադարձնելու» մասին հայտարարության կապակցությամբ. հայտնում է АПА-ն:

Ադրբեջանի ԱԳՆ պաշտոնական ներկայացուցիչ Հիքմեթ Հաջիևը հայտարարել է, որ Բաքվում Զախարովայի հայտարարությունը տարակուսանք է առաջացրել: «Հաշվի առնելով Ռուսաստանի և Ադրբեջանի ռազմավարական և գործընկերական հարաբերություններն ու  բարձր մակարդակով երկխոսությունը` մենք նման վերաբերմունքը նախագահի խոսքերի նկատմամբ սխալ ենք համարում»,- նշել է  նա:

Նշենք, որ Զախարովան երեկ կայացած ճեպազրույցի ժամանակ հայտարարել էր. «Հրաշալի գիտենք, որ Ադրբեջանի հարաբերությւոնները հարևան Հայաստանի հետ խիստ լարված են, և նշված արտահայտություններն ակնհայտորեն չեն հանգեցնի լարվածության թուլացմանը»: