Բրիտանական «Ո՞վ է ուզում դառնալ միլիոնատեր» ծրագրի ժամանակ Հայոց ցեղասպանության մասին հարց է հնչել

Հայոց ցեղասպանության մասին «Խոստումը» ֆիլմը շարունակում է մեծ ազդեցություն ունենալ:

Ըստ Asbarez-ի՝ բրիտանական «Ո՞վ է ուզում դառնալ միլիոնատեր» ծրագրի ժամանակ հաղորդավարը Հայոց ցեղասպանության մասին հարց է ուղղել` «Քլոե և Քիմ Քարդաշյանները, ինչպես նաև Շերը ներկա են եղել 2017 թվականին նկարահանված «Խոստումը» ֆիլմի պրեմիերային, որի գլխավոր դերում է Քրիստիան Բեյլը. ո՞ր ողբերգության վրա է հիմնված այդ ֆիլմը»:

Պատասխան տարբերակները եղել են չորսը՝ «Հայոց ցեղասպանությունը», «Բոփալ քիմիական աղետը», «Չերնոբիլի միջուկային աղետը» և «Իռլանդիայում կարտոֆիլի սովը»:

 Հիշեցնենք, որ «Խոստումը» 2015 թվականին կյանքից հեռացած Քըրք Քըրքորյանի վերջին նախագիծն է: