Իրանցուց պայուսակ գողացողը բերման ենթարկվեց

Սեպտեմբերի 25-ին, ժամը 6.00-ին, ոստիկանության կազմակերպված հանցավորության դեմ պայքարի գլխավոր վարչության ԹԱՇԴՊՎ 2-րդ բաժնի և Քանաքեռ-Զեյթունի բաժնի ծառայողները Երևանի Վարդանանց փողոցից, կողոպուտ կատարելու կասկածանքով, բաժին բերման են ենթարկել 1997 թ. ծնված Գևորգ Ս.-ին և ներկայացրել ԻԻՀ քաղաքացի, 1983 թ. ծնված Մասումեհ Խ.-ին:

Պարզվել է, որ նույն օրը, ժամը 5.45-ին, Գևորգ Ս.-ն Նալբանդյան և Վարդանանց փողոցների խաչմերուկի մոտ բացահայտ հափշտակել է Մասումեհ Խ.-ի պայուսակը և դիմել փախուստի, սակայն իր կամքից անկախ հանգամանքներում հանցագործությունն ավարտին չի հասցրել և ոստիկանության ծառայողների կողմից Վարդանանց փողոցից բերման է ենթարկվել բաժին: