Թուրքիայում հուշարձան են ապամոնտաժել. Էրդողանին հանել են, իսկ տանկը՝ թողել

Թուրքիայի Շանլըուրֆա (Եդեսիա) նահանգի Հառան շրջանում ապամոնտաժել են Թուրքիայի նախագահ Ռեջեփ Թայիփ Էրդողանի արձանը:

Ըստ Haberler-ի՝ հուշարձանը, որի հորինվածքով` Էրդողանը ձեռքի շարժումով կանգնեցնում է տանկը, նվիրված էր 2016 թվականի հուլիսի 15-ին տեղի ունեցած ռազմական հեղաշրջման փորձին: 

Ի դեպ, արձանը նախկինում մի քանի անգամ փոփոխման էր ենթարկվել, քանի որ Էրդողանին նմանեցնում էին Սիրիայի նախկին նախագահ Հաֆեզ ալ Ասադին:

Արձանն ապամոնտաժելուց հետո այդ վայրում տեղադրվել է  գրություն՝ «Հուլիսի 15-ը չենք մոռացել, չենք մոռանա»:

Ուշագրավ է, որ հեռացվել է միայն Էրդողանը, իսկ տանկը մնացել է նույն տեղում: